مذكـــــــــرات بنات مدارس >>في قمة الروووووووووعه....

اذهب الى الأسفل

مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء مايو 08, 2007 3:58 pm

اليوم هو أول يوم دراسي..
جميع المدارس والروضات ودور الحضانة فتحت ابوابها لاستقبال طلابها العائدين بعد اجازة الصيف..

لكن محورنا في هذه القصة عن مدارس البنات..دعونا ندخل هذه الابواب ونشاركهن في اسرارهن وهمومهن اليوميه ان صح التعبير...

الساعة الآن السابعة والنصف يعني باقي نصف ساعة ويبدأ الدوام الرسمي...في هذه اللحظه لا تسمع سوا الضحك والقبلات وكلمات الشوق والعتب بينهن . كنت واقفه انتظربنت عمي الي طلبت مني اني انتظرها بجوار احد الصفوف...وفي هذا الوقت اسمع صوت يدوي في ارجاء المدرسة....
___:منوووووووووووووووووووور
مناير تلتفت الى مصدر الصوت: هلا والله بمريومي
مريم: اهلين فيج ...شحالج عمري
مناير: بخير ربي يسلمج
مريم: شو بلاج واقفه هنيه
مناير:ولا شي...بس قاعده اتريا حصوه بنت عمي وهذيه يت الحين
حصه: السلام عليكم
مناير ومريم..: وعليكم السلام ورحمه...
حصه : شحالج مريوم ..ما شاء الله متنتي
مريم:حرام عليج عاد ..صار لي 3 شهور على الدايت اليديد وتقولي لي متنت......
مناير: واضح ما شاء الله....يعني مول ما جنه امس يايه بيتنا وطايفه عصحون كلها.
مريم: الله واكبر عليج...يا حليلي ما اكلت غير 7 صحون كيك وحله محشي وسبع سندويجات و3 صحون كشري..
حصه: خير كل هذا كلتيه
مريم: ليش شو قالوا لج جازورا
حصه: لا والله محشوم جازورا
مريم: ههههه....صج ما تستحين
مريم: ..انزين منور وينج ما ركبتي الباص اليوم
مناير: بس جيه قلت ايي مع اخوي
مريم: منوه فهووود.
مناير: هيه ..كان ناوي يروح الدوام وقلت له ياخذني معاه
مريم: عيل برد وياكم اليوم دامه بردج
مناير: اممممممم....بفكر اخذج
مريم: ويا ويهج...اصلا من قال اني بروح
مناير: على ماما يا بابا
مريم: ههههه...اقولج ترى انا عندي سيارتي الخاصه يعني اروح وارجع فيها وفي الوقت الي ابغي
مناير: هههه..هيه ما شاء الله ....وعسب جيه كنتي راكبه الباص اليوم
مريم: هيه حبيبتي ترى مهما كان انا اخاف على مشاعركم.وبصراحه انا فكرت وايد باهاليكم قبل لاركب السياره..يعني حرام باجر تشوفوني اسوق سيارة جدامكم وانتوا ما تقدرون تسوقون
مناير: لا والله فيج الخير وزين ما تسوين وخصوصا ان بنات اليوم (عافني الله) مره حسودات.
مريم: هيه فديتج عاد انا ما حبيت اسوي حساسيه
مناير: بسج لاه ..عاد قلنا تجذبين بس عاد بسج
مريم: ههه..انزين كل يوم تعالي
مناير: قولي والله ..انزين اكيد كل يوم بيي

وفي هاللحظات يدق الجرس معلنا بدايه عام دراسي جديد .....
مناير: دق جرس الحصه الاولى
مريم: سبحان الله..والله على بالي هذا جرس الهده
منايير: لا والله انزين انتي دومج مغوره يعني عادي احصلج الحين تركضين صوب باب المدرسه...
مريم..يلا عاد مال اول يركضون....انا الحين كبرت على هالسوالف
حصوه..هههه انتي كبرتي...هيه ما شاء الله زين عيل يا الكبيرة قومي نلحق الحصه الاولى قبل ليكتبونا غياب
مريوم: يلا انزين وراي
مناير وحصه يطالعون بعض ويضحكون: تفضلي طال عمرج
مريم: احم ..احم..حصوص يودي
حصه: ايود شوه؟
مريم..جنطتي لاه
حصه..روحي زين..وايد عطيناج ويهه يلا جدامي...
مريم..ههههه..يلاا انزين
( خلني اعرفكم على هالثلاث شخصيات ألي من خلالها راح تكتشفون معنى الصداقه الحقيقيه ..مناير كانت بنت قمه في الروعه والجمال والادب كانت بنت متفهمه ومتعاونه وكل البنات يحبونها. حصه تصير بنت عم مناير وكانت بنت حبوبه وطيبه وكانت بمثابه اخت لمناير، مريم..بنت راعيه سوالف وغشمرجيه درجه اولى وهي اعز صديقه لمناير.)

في غرفه الصف.....
الكل قاعد في كرسيه الذي اعتاد الجلوس فيه خلال السنه الماضية حيث ان هذه السنه تعتبر السنه الاخيرة لمناير ورفيقاتها..
تدخل شله مناير الصف وتتقدمهم مريم..
مريم: السلام عليكم يا جماعه
البنات: وعليكم السلام ورحمه..
تناظر مريم لاول طاوله امام الباب وكانت تقعد فيه سعاد (سعاد تصيربنت خاله مريم وهي بنت طيوبه ونقدر نعتبرها وحده من شله مناير )
مريم: اللهم يا كافي انا ما تصبحت ألا بويهج ..لا بالله رسبت هالسنه.
سعاد: ههه يا الله ما عليه ...تراج متعوده
مريم: اييه شو بعد متعوده هذي.....فديت عمرج انا طالعه الاولى عالمنطقه
سعاد: لاا فهذي ما جذبتي ..انتي فعلا دايما الاولى...اول وحده تدخل الكافتيريا هي انتي.
مناير: عنبوه لا يكون انتي الطباخه بالكافتيريا.
حصه: انا اشوف مريوم تيب وياها بصل اول ما اتي الصبح...ياخي اثاريها السالفه جيه..
مريم: بس خلاص خلصتوا رمسه.
سعاد: هاه حبيبتي منور حابه تقولين شي قبل لنختم.
مناير...امممممممم..لا والله بس مريوم انا تراني خاطري ب لزانيا...عفيه سويها اليوم.
مريم: افاا عليج .حاضر...هب عليكم امشوا جدامي اجوف.
تمشي مناير متجهه الى كرسيها ..كانت مناير تقعد ورا سعاد ومريم. وكانت حصه تقعد حذالها.
في هاللحظه تدخل نورة(بنت دلوعه وغنيه وشايفه حالها على الكل)..
تدخل وهي تطالع بويوه البنات وراسها مرفوع لفوق(اونه خقه)..طبعا ما تسوي سالفه وتتجهه لكرسيها...كانت تقعد في الكرسي الاول مجابل المدرسة.
مريم: اقول سعاد..اجوف لسانج..
سعاد اطلع لسانها لمريم وجنها فاهمه مقصد مريم.
مريم: دامه السانج ما كلاه القطو ليش ما تسلمين..
سعاد: والله ياخي انا ما اقدر اسلم....اتعب
نوره: وانتي الصاجه انا ما اسلم على هالاشكال.
مريم: ..ليش بلاها هالاشكال يا حضره البرنسيسه.؟
نورة: ما راح ارد عليج...وبليز لا تحاولين تطالعين فوق
مريم: عشتوووو........واااع والله ما لايق عليج الدلع..اقول عدال على رقبتج عن تنكسر.
وفي هاللحظه تدخل رشا.............وأي رشا ( رشا البويه...اعتقد فاهمين قصدي..)
رشا..: السلام عليك يا شباب
مريم: منو الشباب........!!!
رشا : سوري ليديز ..عبالي داشه عربعي..
مريم..امممممم..حصل خير
رشا توجهه نظرها الى سعاد
رشا : شحالك يا حلو يا بوعيونا انعاس.
سعاد:بصراحه مب بخير دامني شفتج.
رشا: تقصدين شفتك..اممم مقبوله منج ...والله انج عذاب
سعاد: دخيلج حلي عن سماي
رشا: هم بعد مقبوله...بس مردج لي..
مريم تقاطع رشا وتسألها: اقول رشا شفايفج صايرين حمر...انتي محطيه روج؟
رشا...: تخسي...الحين انا احط روج...( بعصبيه) سحبيها بسرعه احسن لج
مريم تحاول تبتسم وترطب الجو: هاها ها...سعاد شو بلاج ضحكي..ترى انا كنت قاعدة اتغشمر وبس.
سعاد بتصنع: ها ها ها...
رشا: لا المره اليايه لا تتغشمرين فهالسوالف...بس انا راح اسامحج بس مو عشان خاطر عيونج...بس عشان الحلو ألي صوبج.
مريم: مشكوره حبيبتي....ووالله ما اعيدها
رشا و هي تطالع سعاد.: جاو حبي
سعاد تبتسم مره ثانيه بتصنع واضح.: جاو
وتروح رشا لكرسيها( وطبعا ما لازم اقول وين..اكيد عارفينه( الاخير))

مريم: اففف..زين ما كلتني
سعاد: سكتي يا مريم هالبنت صايره تلوع جبدي...ياخي غصب تقردني.
مريم: الله .... والله لا يقين على بعض
سعاد: وع والله ولا يشرفني
مريم: بس رشوه تمووووووووووووت فيج
سعاد: بتسكتين ولأ اعطيج بهالمقلمه.
مريم.. بسكت ألحين عسب الابله يايه و بكمل هالموضوع بعدين
سعاد: هههه...( تضحك بتصنع)..اييي أي موضوع...فكيها سيره
مريم: اوكي بعدين بنتكلم..


تدخل ابله عزه..( استاذه مادة الرياضيات ...مصريه الجنسيه ومتزوجه من اماراتي وصار لها 10سنوات في الدوله)
ابله عزة: السلام عليكووو يا بنات
البنات: وعليكم السلام.
ابله عزة: بسم الله ما شاء الله...انتوا اكبرتو ولأ اييه..
مريم: هيه ابله ما تشوفين راس نوره واصل السقف.
يضحكون البنات على تعليق مريم
نوره طبعا اكتفت برفع راسها زياده( انا ما عارفه هالبنت وين ناويه توصل راسها)
ابله عزه( وهي تحاول جاهده التكلم باللهجه الاماراتيه): شو علامكو لا يكون ناوين تضاربون جدامي ألحين
سعاد: لا ابله بس تدرين مريم وسولفها
مريم: هيه والله ابله.تدرين انا تراني قاعدة اهيئ نفسيه الطالبات لدراسه
ابله عزة:زين والله ..هاه بنات شو اخباركو؟ عساكم جاهزين لدراسه ترا انا راح اصك عليكم شويه هالسنه...عاد انتو استحملو دامكم تبون تنجحون
مريم بصوت لا تكاد تسمعه الابله: ليش انتي بعدج ما طفرتينا؟؟ شو ناقص تسوينه وما سويتيه.
تضحك سعاد على تعليق مريم
ابله عزة: ها يا سعاد بديتي الصحج مالج...
سعاد: والله ما مني يا ابله بس انا تذكرت موقف يضحك
ابله عزه: طب بلاش تزكرينه الحين مو وقت تزكرين مواقفج الحلوه
سعاد: آسفه ابله..
في هاللحظه يصدر صوب لشخص يتثاوب ....
ابله عزة: اييه يا رشا ...هذي حركه تسوينها
رشا: يعني شو تبيني اسوي..واحد ما صار له راقد غير 3 ساعات شو تبينه يشوي.
ابله عزه: وليه ما نمتي حضرتك وبعدين شو هذي واحد..قولي وحده
رشا بلامبالاه: شخبارج انتي بخير؟
ابله عزة: اعقلي يا رشا وبسج رمسه مب زينه
رشا: انزين يلا آسفه
ابله عزة: هذي المره سماح ...يلا بنات طلعوا كتبكم
رشا..هوب هوب هوب...استهدي بعدنا اول يوم وما خذنا الكتب
ابله عزة: يا ربي ...حصه سيري الاداره وسأليهم متى بتاخزن الكتب.
مريم: انشا الله ابله

يتبع............
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء مايو 08, 2007 3:59 pm

--------------------------------------------------------------------------------

الجزء الثاني.....

تطلع حصة من الصف وتبدأ ابله عزة تراجع بعض الدروس القديمه..
مريم: اوهوووووووو...والله حاله
سعاد: شو بلاج بعد
مريم: سعادوووه ابغي افهم نحن نجحنا ولأ لا ؟
سعاد.: ليش!!!!!!!!!!
مريم: الحين هذي ليش قاعدة تعيد ألي خذناه...نحن ما صدقنا افتكينا
سعاد: التكرار يعلم الشطار
مريم: سكتي سكتي دخيلج
ابله عزه: مريم...اووومي وامسحي الصبوره
مريم حاااااضر ابله
سعاد: حتى المسح يعلم الشطار..خخخخخ

المهم تمر الحصه الاولى والثانيه مع ابله عزه..والثالثه مع ابله فريال مدرسه العربي....وصارت الحين حزت الفسحه(الفرصه)

مريم: الله خاطري بفلافل
سعاد: وانا خاطري بفطاير جبن.
حصه: انا بصراحه ما فيني شده اضارب فالمقصف..
سعاد: على طاري الضرابه ..وين آيات بنت حاج مرسي..محد ينقذنا غيرها
مريم: آيااااات! عاد هذي ما تسير الا لما تبطينها ابيزات
حصه ما مشكله المهم برستيجنا
مريم: خفي علينا يا ام البرستيج..وانتي مناير غريبه ما قلتي شي
مناير: لا والله ما خاطري آكل اليوم.
مريم: افااا والله ..كيف جيه...لا لا لا لازم تاكلين ولأ بزعل
مناير: مريوم حبيبتي والله مالي خاطر
مريم: لا يكون ما يايبه بيزاتج
مناير: لا يايبه وبعدين حتى لو ما كنت يايبه اكيد بخذ عنج..بس انا مب يوعانه
مريم: عاد ألي يقول ألحين انا بعطيج من بيزاتي...خخ
مناير: لا والله
مريم: فديتج والله اتغشمر وياج..

_ _ _: السلام عليكووووووووووووووو
مريم: بسم الله زيغتينا...حشا طيرتي حمامه قلوبنا
سعاد: هلا آيات ...ما شاء الله يايه على الطاري
مريم: لو طارين مليون زين
آيات: خخخخ...عاد انا أًََُلت لازم اشوف البنات الحلوين عايزين ايييه؟ يعني ممكن عايزيني فخدمه ولأ حاجه!
مريم: هيه ما شاء الله خدماتج ما تطلع ألا بالفرصه وبالامتحانات ابد ما تعرفينا.
آيات..هههه لأه انا فالخدمه فأي وقت..بس فالامتحان بكون مزنوأه أوي
مريم: هيه قصي علي.......
آيات: لأ السنه دي غير كل سنه ....انشاء الله حنتساعد ونجيب مجموع كويس....ألا مألتوليش انتو عوزين حاجه من المقصف...أصلي انا رايحه دلوأتي.
..
مريم: يودي هذي بيزاتنا...واشتري لنا 3 فلافل و3 جبن ولا تنسين البيبسي..
مريم: هاه مناير ما بتغيرين رايج
مناير: لا والله ما ابغي ..
آيات: طب انا رايحه وان شاء الله مش راح اتأخر..يلا باي

المهم قعدوا البنات على كرسي فحديقه المدرسه وكل وحده منهم تسولف عن موديلات البنات اليديده و الجنط والاكسسوارات المدرسيه.
وفي هالاثناء كانت سميرة تقترب منهم (سميرة بنت لعوب وعندها سمعه مب طيبه بين البنات...
مريم لاحظت سميرة يايه صوبهم
مريم: اللهم يا كافي ....لا يكون هذي يايه جدانا
سعاد: مستحيل...وحتى لو يت ..منو بترمس منا؟..لا لا نحن مب مال هالاشكال..
سميرة:هااااي
مريم بكل استغراب: نعم!!!!!
طبعا سميره ما سوت لمريم سالفه ...
سميرة: لو سمحتي حصه يمكن اتين شوي معاي...بغيتج بسالفه
فهاللحظه بان الارتباك على حصه...والكل مستغرب بس ألي زاد استغرابهم ان حصه قامت من كرسيها ومسكت سميرة من ايدها و سارت معاها وهي تحاول تمشي بسرعه كانها تبغي تختفي عن الانظار........

يا ترى شدخل سميرة اللعوب بحصه البنت الهاديه...اكيد في سر...

يتبع
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء مايو 08, 2007 4:00 pm

--------------------------------------------------------------------------------

الجزء الثالث..


حصه كانت تتحاشى نظرات البنات لها لما كانت تمشي مع سميره ..كانت تحاول تبعد نفسها عن البنات...شكلها ما كانت تبغي احد يشوفها مع سميره خصوصا ان سميره سمعتها شينه بين البنات....وقفت حصه حذال غرفه تبديل ملابس الرياضه وطلت ولما تأكدت انه ما في احد داخل الغرفه دخلت وسميره بسرعه..
سميره: اشبلاج اشوي اشوي علي..
حصه: انا ما قلت لج لا اتين عندي بالمدرسه.
سميره: ليش خايفه من رمست البنات.
حصه: قولي لي في شي..
سميره: شوي شوي علي يا حلوة...ما في الا كل خير


كل وحده فالشله كانت تحط احتمالات لهالعلاقه اليديده بين سميرة وحصه
وخصوصا انها كانت صدمه للكل.....
مريم: مناير ؟ انتي ما تعرفين شو بين حصه وسميره
مناير: وانا شدراني؟
مريم:بنت عمج وما تعرفين عنها شي.
مناير: يعني بقص عليج بالله....والله ما اعرف
سعاد: انا مب مرتاحه لسالفه وخصوصا بعد ما شفت ردت فعل حصه.
مناير: لا انشاء الله خير ....يمكن تبغيها تساعدها بالدراسه!
مريم: يحليلج يا مناير والله انج على نياتج...الحين سميره وين والدراسه وين
سعاد: هذي لو ما يابت دور ثاني ما ترتاح..
مناير: غريبه؟ حصه ولا مرة رمستني عن سميره
مريم: اكيد في شي..........وشي جايد بعد
سعاد:هاه التحري كونان...شو الاخبار؟
تقوم مريم من كرسيها
مريم: سعادوووه ذكريني أي جهه ساروا
مناير: مريوم وين بتسيرين.
مريم : بلحقهم
مناير: شو تلحقينهم انتي الثانيه...بالله عليج شبتقول عنا حصه..قاعدين انراقبها.!!!.
سعاد: هيه وبعدين بتزعل علينا.....
مناير: وهي بالاساس اذا تبغينا نعرف اكيد بتقول لنا.....يمكن في شي خاص بينهم..
مريم: مناير حبيبتي ..هالاشكال انا اعرفها..ماتي وراها غير المصايب....
سعاد: بس خلاص سكتوا هذيه حصوه يايه
طبعا ويهه حصه كان معتفس عفسه وباين عليها الارتباك كانها خايفه انها تنسأل ..
سعاد: حصوه شسالفه؟اشتبغيج هذي..
حصه: هااهه..ولا شي
مريم: كيف يعني ولاشي. في اشياء يديده قاعده تصير....مو من عوايدج ما تخبرين احد
حصه: قلت لج ولا شي..بس هي بغتني بسالفه خاصه
مريم: ومن متى بينكم سوالف خاصه.؟
حصه..افففف اشفيج انتي ..شو هو تحقيق!
شكلها حصه ما قدرت تتحمل اسئله مريم ألي ما منها مفر فقامت وشلت بعمرها وسارت قبل لتمطر عليها اسئله مريم ألي شكلها ما راح اتهدها ألين ما تعرف السالفه
مناير...: حصه وين سايره
سعاد: حصه تعالي اشبلاج؟
مناير: مريم بسج عاد سكتي
سعاد: الله يخسج يا مريوم طفرتي البنت
مريم: اشبلاكم علي ..يعني كيف ما تبوني احاتيها...انا بصراحه ما مستلطفه هالسميره نهائيا..
سعاد: حتى نحن يا مريم...بس عاد انتي طفرتي بالبنت
مريم: اوووووه ..خلاص خلنا نسير لها ..بس انا ما راح اعدي السالفه ..ولازم اعرف شصاير....
ترفع مريم ايدها لسما:الله يخسج يا سميره
سعاد: لهدرجه حاقده عالبنت
مريم: واكثر ........هالبنت خبروني انا عنها.
سعاد: ليش صار شي بينكم..
مريم: مب انا........(بعد تردد )...اختي منال
سعاد : مناااااااال؟
(منال اخت مريم الكبيره...تكبرها بسنتين .متزوجه من ولد عمها وعندها بنتين.حور وريان)
سعاد: ليش شصاير؟
مريم:سالفه طويله ..ومالي خاطر اقولها
سعاد: انزين مريوم قولي بعده في وقت.
مناير: سعاد....! اشفيج صايره ملقوفه
سعاد: انزين خلاص سكتنا.
مناير: قوموا نسير حق حصه .... وبليز سكرو هالموضوع حاليا
مريم: ان شاء الله يلا قوموا
قاموا البنات جدا حصه وفهالحزة سمعوا صوت آيات تنادي..
آيات..: اييه يا بنات رايحين فين...والأكل!
مريم:خلاص انسدت نفسي ما ابغي أكل
سعاد: افااا والله ما يصير
مريم: ولأ اقولج ييبيه..
سعاد: انا اقول بعد...
مريم: لا لا تقولين...لا تخليني اعصب وما اعطيج اكلج
سعاد: لا دخيلج انا حدي يوعاااااااااااانه...
آيات: طب خدوا الاكل بتاعكو ده وبالهنا والشفا
مريم: ليش شاربه دوا
مناير : يلا بسرعه خلنا نلحق حصه
مريم: يلا انزين
وقبل ليسيرون وقفتهم آيات.
آيات: احم ..أصلي انا تعبت أوي وانا بجيب الاكل...اصلو زحمه أوي
مريم..ايووووو....تقصدين تبين بيزات؟ اسمحيلنا فديتج نسيناج
يودي هالخمس وبسج
آيات : متشكرين اوي...دلوقتي بالعافيه عليكو
مريم: يعني قبل ما كان بالعافيه علينا.
آيات: استغفر الله...بالعافيه عليكو..وانا اصلا ما كنتج عوزه فلوس منكو انا بس حبيت اقول لكم ازي الشغلانه دي صعبه..
مريم: لا حول لا يكون كنتي قاعده تبنين المقصف وانا ما ادري..
آيات: هههه.. دمك خفيف اوي..
مريم: انزين يلا فارجي....

وسارت الشله ادور على حصه..وقعدوا يدورونها فكل مكان ومالها أثر.
مناير: يا ربي هذي وين!..ما تم مكان ما دورنا فيه
سعاد: انزين وين اختفت.
فهالاثناء يدق جرس الحصه الرابعه..
مريم: اوهوو دق الجرس ونحن ما كلنا شي............بس ابا اعرف وين سارت!
وفجأه ترفع سعاد ايدها وتنادي: حصه حصه تعالي نحن هنيه
مريم: وينها؟؟؟
سعاد: هكيه طالعه من الحمام.
مريم: بسم الله تونا طالعين من الحمام وزقرنا ومحد رد
مناير بصوت عالي: حصه يلا بسرعه تعالي الكلاس بيبدا
وصلت حصه لشله وكالعاده بدت مريم اسئلتها..
مريم: انتي وينج تونا دخلنا الحمام وما حصلنا حد.
حصه والارتباك واضح عليها: هاااه..توني كنت داخله..
مناير: انزين يلا نسير قبل لتبدا الحصه
مريم: والاكل شسوي به..
سعاد. ييبيه منحطه داخل الطاوله وبناكله لما الابله تعطينا ظهرها
مريم: لا والله...يعني كأني ما كنت اسويها قبل
سعاد: هيه والله نسيت انج انتي علمتيها لي..
مناير: يلا انزين تأخرنا...

مناير مع انها كانت بنت هاديه وكلامها قليل لكنها كانت اكثر وحده تحاتي حصه..هي ما تنكر انها تبغي تعرف السالفه بس فنفس الوقت حبت ان حصه أتي بروحها وتخبرها بلي صاير..خصوصا ان حصه ما تخبي على مناير شي....

يتبع
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء مايو 08, 2007 4:01 pm

الجزء الرابع
تدخل مناير البيت من بعد هذا اليوم المتعب
كانت ام مناير وابوها ينطرونها بالصاله ..تدخل مناير وتروح جدا ابوها وامها
مناير: السلام عليكم
ام وابومناير: وعليكم السلام ورحمه
تتقرب مناير وتبوس راس ابوها وامها..
ابو مناير: شحالج بنتي الحلوة
مناير:بخير وسهاله ابويه....
ام مناير: هاه حبيبتي شو دوامج اليوم؟
مناير...اممممممممم..زين
ام مناير: بس زين
مناير: تعب شوي...بس الحمد الله
ام مناير: يلا الله يقويج حبيبتي
ابو مناير: يلا يا بابا يا مناير قومي لبسي ملابسج.. ترنا بنسير بيت يدج العود...
مناير: ليش يدي رجع من السفر.؟ ليش ما خبرتوني!
ام مناير: البارحه الساعه وحده بالليل واصل وانتي حزتها كنتي نايمه وبالاساس يدج رجع قبل موعده باسبوع.
مناير: هيه صح انا جني سمعت انه بيي بعد اسبوع
ابو مناير: يلا يا مناير قومي و تزهبي بسرعه...
مناير: ان شاء الله
ام مناير: وبالمره قولي لاخوج فهد بسه قعده عالنت وخله يزهب بسرعه..
مناير: من عيوني يا امايه

تصعد مناير فوق وتسير غرفه فهد....ضحكت فهد كانت واصله لآخر الممر..شكله قاعد يرمس حد من ربعه ..تدق مناير الباب وتفتحه بهدوء..انتبه فهد لمناير وأشر لها تدخل وتصبر شوي...دخلت مناير بهدوء و قعدت عالشبريه تتريا اخوها يخلص....
فهد: خلاص انا بدش المنتدى باسم ثاني وبتمدح بموضوعك عدل..طبعا خبرك هالسوالف منتشره...
__:-------
فهد:ادري ان اسلوبي فريد ووجودي فصفحتك راح يروج لموضوعك..
__:-------
فهد: خخخخخخخخ....افا والله بالخدمه فأي وقت
__:-------
فهد: مو مشكله الشيخ بخليك ألحين...وان شاء الله برجع لك بوقت ثاني
__:-------
فهد : مع السلامه

يسكر فهد الخط ويصد صوب مناير:
فهد: هلا هلا بأختي الصغيره....هاه كم بنت عطيتيها رقمي!
مناير: اممممممممم ...قول خمسين
فهد: الله.... يعني بتريا خمسين اتصال اليوم
مناير: هههه اقص عليك
فهد: لا والله!!!انزين ادري انج تقصين علي..
مناير: انزين فهود قوم تزهب عسب بنسير بيت يدي.
فهد: هيه صح نسيت انه اليوم الغدا هناك
مناير: انته من متى تعرف!
فهد : انا مساعه احمد ولد عمي عبدالله خبرني...وبعدين امي دقت لي وقالت لي
مناير: أهاااا...انزين يلا ابوي يقول بسرعه..
فهد..يلا بلبس وبنزل
مناير: خلاص بسير ألبس انا بعد.....

( خلوني اخبركم عن عايله مناير ....طبعا مثل ما شفتوا ان يد مناير كان مسافر..والسبب كان للعلاج...يعني يحليله ريله كانت تعوره وسافر يعالجها بالخارج ...واليوم الكل معزوم فالبيت العود على سلامه الوالد ...مناير مثل ما تعرفون كان عندها اخو واحد وهو فهد (21 سنه)وطبعا ما عندها خوات ،وعندها 3 عموم..(عمها عبدالله وهو اكبر اخوانه وعنده ثلاث اولاد محمد (24)واحمد (21) وحمد(12)، الثاني كان عمها سعيد وعنده ولد اسمه خالد (20)واربع بنات خوله(22) واسما(17 )يعني قد مناير وشهد(12) وبتول(10)سنوات..وبعدين ابوها ( ناصر) وبعدها كان اصغر عمومتها منصور(22) ومب متزوج. ..

وفالبيت العود كان العم عبدالله واعياله وحرمته ام محمد اول الواصلين وطبعا ما انسى منصور ألي بعده يعيش مع ابوه وتوه راجع من السفر وقاعد يسولف لهم عن سفرته وياه...كان صوت الضحك والسوالف واصله لبرع البيت لما دخلت عايله ناصر(بو مناير) ....
ابو مناير: السلام عليكم يا جماعه الخير.
الكل : وعليكم السلام ..
منصور: هلا والله ..اسفرت ونورت واستهلت و...ما عرف بعد
حمد: ومطرت
منصور :وبحرت
حمد: لا عميه ومطرت
منصور : وضحكت
حمد: لا ومطرت...
منصور :واحفرت
عبدالله: بسك عاد خبلت فولدي...بروحه هب ناقص.
حمد: شو يعني ابويه انا خبله
عبدالله: لا حبيبي مب خبله.عمك الخبله
منصور: افااااا الحين انا الخبله..بس مقبوله منك يا رييس
فهد : هلا منصوروه.. شحالك.؟
منصور: هوب هوب...شو منصور انته الثاني بعد... قول عمي يا الغبي..
فهد: منصووووووووووورووووووووه
مناير: هلا عمي منصور ...شحالك؟
منصور: فديت والله بنت اخوي. ..(يأشر على فهد)..شوف الادب كيف صاير مب انته..
طبعا الكل قام عسب يسلم ..وقعد
(بو مناير): ألا ابوي وامي وين؟
منصور: ابوي وامي قاعدين يوزعون الصوغه..ما ادري هالشياب ليش مستعيلين..
فهد:خخخخ...شكلهم يبون الفكه منا بسرعه
بو مناير: عيل بسير اشوفه واسلم عليه..
منصور: لا هو قال بعد اشويه بنزل..
بو مناير: لا احسن اسيرله انا بروحي.....بو محمد ما بتسير وياي..!!!
بو محمد.. اكيد ياي........يلا سرينا..
منصور: عيل نحن بنقعد نتريا هنيه
فهد: لا لا نحن بنسير ويا ابوي..
بو مناير.: لا لا تسير ..اقعد محلك
منصور.......أوووأ أوووأ...قفطوه....يا خي شل ويهك عن اندوسه...
فهد: ها ها ها....اصلا ابوي ما يحب يتعب عياله.....
منصور: معلوووم رفيق...
المهم بو مناير وبو محمد ساروا حق ابوهم والباجين قعدوا فالصاله يسولفون..ام مناير مع ام محمد والشباب قعدوا يرمسون مع بعض ومعاهم مناير...طبعا مناير كانت من النوع الخجول وما كانت تسولف نهائيا....

منصور:الله لو شفتوا بناتهم كيف يتضاربون علي.... تقولون خلاص خلصوا الرياييل
فهد:وين هذي أي ديره ..بنسيرها
منصور: للا سف ما تقدر تدخل....بس للحلوين
احمد: لا مستحيل
منصور : وليش مستحيل!
فهد: لان دخلوك
منصور: شقايل يعني انا هب حلو؟
فهد: حشا منو قال
احمد :انته اصلا تقط الطير من السما
منصور: غصبا عنكم يا الهروم....

طبعا منصور ما يعطي مجال لاحد عسب يسولف وفهد واحمد كل ساعه يكشتون فيه...منصور كان قريب من فهد واحمد بحكم سنهم المتقارب منصور انسان عزابي وما يفكر بالزواج حاليا مع انه انسان جميل وجذاب ومستحيل احد يرفضه وغشمرجي درجه اولى ....احمد وفهد كانوا يدرسون بنفس الجامعه ونفس التخصص( هندسه داخليه)..فهد انسان وسيم وحلو وخقاق ( بحكم انه الولد الوحيد)..واحمد بعد كان انسان حلو وجذاب وكان اقرب انسان لفهد...


مناير كانت قاعده حذال حمد وتسولف وياه عن الرسوم متحركه( طبعا ما فيه شي ثاني يقدرون يسولفون فيه)..وبالكرسي ألي حذالها كان قاعد محمد...( محمد كان هادي بطبعه و انسان رزين وله هيبه بين الكل..وطبعا مب متزوج ولا مرتبط وحلو ومررررررررررره وسيم وجذاب ..

يلتفت محمد على مناير بعد ما خلص مكالمته ..(شكله واايد بزي هالريال........ما شاء الله المشاريع فوقه وتحته)..
محمد: شحالج مناير....عساج بخير؟
مناير:بخير(طبعا مناير زين زين طلعت منها هالكلمه..هذي اول مره ترمس فيها مع محمد من فتره طويله..)
محمد: بعدج فالمدرسه صح..
مناير: هيه هذي آخر سنه لي
محمد: واي جامعه بدشين؟
مناير: والله ما ادري خل هالسنه تعدي ويصير خير ان شاء الله
محمد: ان شاء الله خير بس انتي شدي حيلج..
مناير: ان شاء الله
محمد يناظرها وكأنه قاعد يقارن بين مناير الصغيرة ومناير ألحين
محمد: ما شاء الله والله وكبرتي يا مناير
مناير نزلت راسها مستحيه وما عرفت شو ترد....
فهاللحزه انتبه احمد عليهم........احمد كان معجب بمناير وبرقتها وجمالها واسلوبها الناعم والخجول...كان وده بس يعرف شقاعد محمد يقول لها...طبعا لا مناير ولا فهد ولا حد بالدنيا كان يعرف بمشاعر احمد.....


يتبع...........
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء مايو 08, 2007 4:06 pm

الجزء الخامس,,,

وفبيت مريم كان الكل قاعد على طاوله الاكل..ام مريم ألي هي معروفه بين الكل باسم ام زايد كانت طابخه برياني دياي على كيف كيفكم...طبعا حاليا مريم هي البنت الوحيده بين 4 اولاد بعد ما تزوجت اختها منال... زايد كان اكبرهم (27)وبعده وجاسم(22)و عمر(19) وحمدان(Coolسنوات...
جاسم: الله يا مايه ...شهالطبخه الروعه ....والله اني اموت بالسمج
حمدان: أي سمج............؟؟
جاسم: بعد أي سمج!!!ما تشوفه جدامك
مريم: هذا دياي مب سمج...
جاسم: عموور هذا مب سمج؟
عمر: لحظه خلني اشوف....(ويتقرب عمر من الصحن وياخذ نفس عميق وفجأه يصرخ................الـــــــــــــــــــلـــ ـــــ ــــــــــه سمج
حمدان يضحك ضحكه طفوليه وطالعه من القلب ويرد: ابييه لا هذا ما سمج هذا دياي.
مريم:سكتوا خلونا ناكل
عمر: انتي بعد لج عين ترمسين...بسج قومي يا الدبه ...
مريم: ما بقوم ...قوم انته,,
عمر: بعد ما باجي ألا تاكلينا نحن
مريم تعيد كلامه وهي تطنز: بعد ما باجي ألا تاكلينا نحن
جاسم: عموور ......
عمر: هلا
جاسم: بتسير مكان العصر؟
عمر:ما ادري !!يمكن ...
جاسم: وين بتسير
عمر : ما ادري يمكن بسير ألعب كورة عالبحر...ليش تبا شي؟
جاسم: اذا بتسير بعطيك رسايل عسب توديهم حق معاذ ولد خالتي
عمر: خلاص ما مشكله
مريم : انا بعد بسير
عمر: شو تسيرين!!....ما تسيرين يلا يلا يلا..
مريم تصد على امها: امايه شوفيه ما يوديني
ام زايد: وانتي بعد ليش تسيرين
مريم: بروح شوي بقعد ويا سعاد..
عمر: سعاد ما فايجه حقج..
مريم : وانت شدراك رمسيتها؟
عمر: تعالي ما جنج توج يايه من المدرسه وشفتيها..!..لحقتي تشتاقين يعني؟
مريم: ما با بسير عدنا شغل
عمر: يالله من اول يوم شغل
مريم: امايه فديتج بسير...انزين
ام زايد:انزين فكينا....
عمر: انزين عادي سيري ..بس دوري لج حد يوديج
مريم: امــــــــــــااايــــــــــــــه
ام زايد: يا بوي فكنا ووداها..
عمر: بوديج بس مب عشانج ...عشان افك امي منج
جاسم : انزين بسكم....عمور تعال مر حجرتي بعد شوي وخذهم
عمر: ما مشكله
عمر يصد على مريم: يلا قومي خلصتي اكلنا ....نحن نرمس وهي تسوق هالاكل..
مريم تحط صبعها على راسها: على كـــــــــــــيفــــــــــي ما بقوم
عمر: امايه .....بعد مب لازم الشغاله تغسل الصحون هذيه مريم بتلحسهم لج..
مريم: لا والله تستخف دمك حضرتك..
ام زايد: بسكم كلوا وانتو ساكتين..
عمر: حبيبتي دمي خفـــــــــــــــــــــيــــــــــف غصبن عنج
مريم: شفتي امايه ..هو اصلا يبغي يضارب..
فهاللحظه يدخل زايد:السلام عليكم
الكل: وعليكم السلام
ام زايد: وينك زايد ...تأخرت اليوم
زايد: السموحه امايه بس انشغلت شوي
يتقرب زايد ويوقف على راس حمدان ويمسح عليها
زايد: شخباركم حبيبي حمدان
حمدان بخير
زايد : سرت المدرسه اليوم.
حمدان : هيه وعطونا كتب
زايد: زين زين
زايد يوجهه سؤاله على اخوانه : وانتو شحالكم
الكل: بخير
زايد: هاه مريم شدي حيلج ترها آخر سنه
مريم : لا ان شاء الله ببيض ويوهكم
عمر:اخاف والله ألا تسوده
مريم: لا والله ..جان يبت انته نسبه عدله اول بعدين رمست
عمر والله عكيفي..
زايد (بحزم): بس خلاص كلوا وانتوا ساكتين...
طبعا الكل انطم وقعد ياكل .....
ام زايد: ابويه انته ما تبا تاكل..؟
زايد : لا والله ما اشتهي الحين...بسير برقد ألحين
ام زايد : ألا يريحك حبيبي
زايد: امايه لا تنسين توعيني اصلي
ام زايد: ان شاء الله
(طبعا لا حظتو غياب الوالد بينهم....فعلا الوالد كان غايب وغايب من فتره طويله ..(غايب من الدنيا ) ولتوضيح اكثر كان متوفي من فتره طويله حتى قبل لينولد حمدان ..وبتالي تكفل زايد باخوانه بحكم انه ما عنده اعمام وكان الكبير بينهم...زايد كان له قلب كبير ويفكر بخوانه اكثر ما يفكر بنفسه عسب جيه هو مب متزوج لحد ألحين..




نرجع لبيت يد مناير ....
الكل قاعد يسولف ويضحك فالصاله من بعد ما نزل لهم يدهم وهو بصحه وعافيه...عاد بدت تعليقات الشباب ألي ما تخلص


فهد:اوووو...ما شاء الله عليك يا يدي رجعت متشبب
اليد: ليش انا اثاريني متى كنت عيوز....
فهد:لا منو يقول
اليد: ماشاء الله علي شزيني ...بس ريولي تعورني شوي خلاص يعني عيزنا..
منصور: لا ابوي صراحه فهالسفره كان صاك علي.....تصدقون الدكاتره كانوا يتحرون اني انا الابو وهو الولد
اليد: شوفتوا...هذوه ولدي ما يجذب...
فهد: ههههههههه لا حشى
احمد: الله يعطيك طول العمر يا يدي والله اشتقنالك
فهد: هيه والله اشتقنا لك يا يدي
اليد اشتاقت لكم العافيه...
اليد وهو يطالع جدا مناير..
اليد: مناير حبيبتي تعالي قعدي حذالي
تتقرب مناير بكل حيا...وتقعد حذال يدها...
مناير: شحالك يدي...؟
اليد: بخير حبيبتي ....اشوفج قاعده بعيد عني...شو ما تحبين تقعدين وياي
مناير: لا والله يا يدي ...بس كلهم متيمعين حولك
اليد: فديت والله مناير العاجل
تبتسم مريم بحيا وتنزل راسها...
اليد : عيل وين بنات عمكم وعمكم سعيد
ابو محمد: توني داق له وألحين بيوصل
فهاللحظه يدخل سعيد وعياله....
سعيد السلام عليكم ..
الكل: وعليكم السلام
يسيرسعيد جدا ابوه مع عياله ويبوسه على راسه وبعدها يسلم عالباجين..وعياله بالمثل..
عيال سعيد كان طبعم غير عن باجين ..كانوا شايفين حالهم شوي...اونه يدرسون برع لبلاد ومحد قدهم ....خالد عاد كانت خقته لا تطاق خصوصا انه كان الولد الوحيد بين اربع بنات....حتى بناتهم الصغار خقتهم غير شكل ...طبعا طالعين على امهم....( ام خالد) ألي كانت شايفه حالها على الكل..

فهد واحمد كانوا من قهرين من خالد.....وودهم يمصعونه من رقبته
فهد: شوف شوف يلسته..(خالد كان قاعد قعده تبين للكل خقته ...محطي ريل على ريل ورافع راسه لفوق...)
احمد: اشوفه هالخقاق
فهد: ابا اعرف على شو شايف حاله....؟؟
احمد: والله انا احلى عنه
فهد: طع هذاا....حد ياب طاري الحلا؟؟؟اكيد طبعا انته احلى
احمد : انزين الحبيب ليش ما يفصخ نظارته...
فهد: اخخخخ والله اخ...ودي بس احط عليه واعطيه كم كلمه بس الوضع ما يسمح...
احمد : هلا ابووووي هكوو صد علينا....
احمد يعلي صوته ويرمس خالد: شحالك خالد...؟
خالد وهو يرفع حواجبه : بخير( طبعا خالد كان يعرف انه فهد واحمد ما يستلطفونه عسب جيه كان يرد عليهم ببرود...
احمد: وينك ما تسأل ولا تنشد..
خالد: شنسوي ...؟؟ ترانا ما نقعد فالبلاد
فهد بستهزاء.: اهاااا...عيل معذور ...عسى بس فالح بالدراسه
خالد باسلوب تحدي : احسن عن غيري
فهد حزتها مات من الغيظ.....

وفقعدت الحريم ...كانت ام خالد تسولف عن سفراتها ألي ما تخلص وكل رمستها عن ألي شترته وألي سارته وألي ألي........
وام محمد وام فهد قاعدين يسمعون ..يحليلهم ما عاطتنهم مجال عسب يرمسون.....
اما بين البنات فكان الحال بالمثل ...خوله واسما ما قصروا وقعدوا يخقون على مناير....مناير ما كانت تهتم بكلامهم...الحمد الله ما ناقصنها شي



حمد فديته كان ملان ومحد مسوله سالفه.......
حمد: احمد تعال العب وياي...
احمد:شو تبا تلعب بعد!!!...
حمد: أي شي.....اللص والجلاد؟
احمد : انزين عندك اوراق وقلم...
حمد : هيه عادي بييب ....بس بتلعب
احمد: هيه عادي بس انته جهز كل شي...بس هاه ما تكسف الورق ألي تبغيها...
حمد: انزين
يروح حمد وييب ورقه ويقصها اربعه اجزاء ويكتب فكل ورقه كلمه...( اللص، الجلاد، المفتش، الحاكم)
حمد: احمد خلصت...
احمد: انزين هات....
احمد يصد جدا فهد.....
احمد: فهود ما بتلعب؟
فهد :والله مالي نفس..دور حد غيري
اسما كانت تتسمع سوالف احمد( نسيت اخبركم انه اسما معجبه باحمد بس احمد ما كان يسوي لها أي سالفه....
اسما: انا بلعب....
احمد: بتلعبين؟؟
اسما: هيه بلعب وبغلبكم بعد
احمد يصد جدا مناير
احمد: متاير...ما بتلعبين .؟
مناير : بس ما اعرف العب..
احمد: ما تعرفين ولا ما تبين تلعبين
مناير: ما ادري؟
احمد : اذا ما لعبتي ما راح ألعب..
( فاللحظه اسما كانت بتموت من القهر)
مناير: انزين بلعب شوي وبقوم..
احمد : ما مشكله...اهم شي تلعبين....

وتبدا اللعبه...وحظ مناير فيها ما كان ذاك الزود..لان ورقت اللص طلع عندها والجلاد عند احمد واسما المفتش وحمد الحاكم....
حمد: حكمت المحكمه على مناير اللصه بسبع ضربات..
مناير مبتسمه: حراام انا اللصه..!!
( احمد فخاطره....هيه والله لصه...سرقتي قلبي)
المهم يمسك احمد المسطره...
احمد: هاه مناير بتسرقين مره ثانيه...
مناير: هااه؟؟؟ ما ادري ؟
احمد فخاطره( فديتها والله)
احمد: اضربج بقوه ولأ شوي شوي...
مناير: انت وضميرك
احمد:دامها لعبه بضربج شوي شوي..
مناير: واذا مب باللعبه؟
احمد: عسى ايدي الكسر اذا بس فكرت اضربج....
مناير استحت من رمست احمد ونزلت راسه
(هوب احمد بلاك اثقل شوي قبل ليحسون فيك)
المهم يمسك احمد المسطره ويضرب مناير بكل رقه....
وبعدها يردون يلعبون مره ثانيه وحظ مناير ما تغير وبعدها عاللص...بس هالمره اسما كانت الجلاد واحمد الحاكم...
احمد: امممممممممم...كم ضربه تستاهلين يا مناير؟؟؟اممممممم
اسما: يلا قول كم؟
احمد لو فيه نص ضربه كنت اخترتها بس ما يصي..
اسما تطالع احمد ومناير بكل حقد...ومناير يحليلها كانت عنياتها وما كانت حاسه باحمد
احمد.: خلاص ضربه وحده..
اسما :بس وحده...حاضرين
وتقريب مناير ايدها من اسما...بس اسما كانت نوايها خبيثه ...ورفعت المسطره وميلتها شوي عسب تضرب مناير بحد المسطره...
ترفع ايدها وتنزلها بقوه...مناير يحليلها من قوه الضربه ...صرخت واحمد يوم شاف اسما سوت هالحركه...عصب
احمد:يعسا ايدج الكسر....بلاج ما تعرفين تلعبين
اسما انقهرت من رد احمد وقامت رفع راسها وحطت ايدها على خصرها...
اسما: دلع بنات.... اصلا انا ما ضربتها بقوه
احمد: لا يعني انا ما اشوف
اسما: احسن لس بروح اقعد مع اختي..
احمد : فكه..
اسما كانت بتموت من القهر...ما توقعت فيوم ان احمد يرد عليها بهالاسلوب.
مناير يحليلها سكتت وما قدرت تسولف ..كانت تقول بخاطرها...ياريت ما صرخت ...لو ما كنت صرخت ما كانت اسما عصبت ولا احمد رد عليها جذيه...........


انشاء الله تعجبكم واشوف الردود
نساء الدعاء
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف عاشقة أم البنين في الثلاثاء مايو 08, 2007 6:21 pm

مشكوره على القصه الرائعه ويعطيك الله الف عافيه
avatar
عاشقة أم البنين
عضو

عدد الرسائل : 96
تاريخ التسجيل : 01/05/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الأربعاء مايو 09, 2007 1:46 pm

العفو اختي على مرورج الرائع يعطيج العافية
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف Admin في الأربعاء مايو 09, 2007 2:04 pm

مشكوووور أخو ع القصة
avatar
Admin

انثى
عدد الرسائل : 205
تاريخ التسجيل : 01/05/2007

معاينة صفحة البيانات الشخصي للعضو http://baneen.niceboard.com

الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الأربعاء مايو 09, 2007 3:22 pm

العفو اختي على مرورج
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف Admin في الأربعاء مايو 09, 2007 6:53 pm

بس مافي تكمله للقصة ؟؟؟
avatar
Admin

انثى
عدد الرسائل : 205
تاريخ التسجيل : 01/05/2007

معاينة صفحة البيانات الشخصي للعضو http://baneen.niceboard.com

الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الأربعاء مايو 09, 2007 11:40 pm

مشكوووووووور خيو على القصة الرااائعة
يسلمووووووو
واذا في تكملة للقصة لاتبخل علينا وجيبها Wink
تحياااااااااااتي
________________________________
عاشقة الحسن M
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الإثنين مايو 21, 2007 3:14 pm

فيه بس اول اشوف الردود وبعدين انزله
اعلفو اخواني على مروركم الرااااااااائع
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الإثنين مايو 21, 2007 3:14 pm

فيه بس اول اشوف الردود وبعدين انزله
اعلفو اخواني على مروركم الرااااااااائع
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في السبت يونيو 09, 2007 10:12 am

مشكور أخوي ع القصة
بس متى بتكملهااااااا ؟؟؟؟؟؟؟
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الثلاثاء يونيو 12, 2007 12:22 pm

بسم الله الرحمن الرحيم
اللهم صل على محمد و آل محمد
و عجل فرجهم يا كريم
القصة يبين عليها حلوة
بس ابي اعرف شلون انزلها في الموبايل ؟؟
وننتظر البقية
موفقين باذن الله
و نسألكم الدعاء
avatar
زائر
زائر


الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف كريم في الثلاثاء يونيو 12, 2007 12:45 pm

خخخخخخخخخ

يسلمووووووووو على القصه

كريم
عضو نشيط

عدد الرسائل : 143
تاريخ التسجيل : 12/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكـــــــــرات بنات مدارس >>في قمة الروووووووووعه....

مُساهمة من طرف زائر في الخميس يونيو 21, 2007 8:53 am

مشكوووورين ع مروركم الراااااااائع
بس انتي حطيها في الجهاز وبعدين رسليها
avatar
زائر
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى